**قصة السقا (قصة رائعة)
--------------------------------------------------------------------------------
سالفة دايم أبوي يسولفها ليّ فحبيت اني أسولفها عليكم ..!!:Gm_015:
يقول أبوي :
كان فيما مضى ..فيه [سقا] فقير ..يشتغل الليل مع النهار بدون تعب أو ملل ..فكان حتى بالشتاء حاطط جرة الماء على ظهرة والماء ينقط في عزة الشتاء .. ما كان يمل أو يكل ..!
فـ شافه الحاكم وأستغر ب أمر السقا ..
كيف يشتغل الليل مع النهار .. والشتاء مع الصيف ..بدون ما يرتاح ؟!
فرآه مرة من المرات وناداه ..
ولما حضر يمه السقا .. سأله الحاكم وقال له :
* ثلاث مع ثلاث مع ثلاث .. ما يكفونك عن ثلآث ؟!
وكان السقا حاذق وسريع البديهة.. فرد عليه السقا :
*لا..لآني أديّن دين .. وأسدد دين .. وأرمي بحر ..!
قال له الحاكم :
*طيب لجاك الخرووف كثيير الصوووف لا تبيع برخيص ..
فرد السقا :
*لا توصي حريص ..
راح السقا يكمل شغله المتعب ..ورجع الحاكم لقصره ..
فستدعى الحاكم أقرب وزرائه وقاله :
أنا اليوم شفت السقا .. ودار بيني وبينه هالحديث ..كذا وكذا ....
فتعتقد وش كان يقصد بـ
*أدين دين وأسدد دين وارمي بحر ؟!
*وش يعني الخرووف كثير الصوف ؟
فقال الوزير :
يا سيدي هذا سقا ما عنده سالفة ..ما عليك منه !
فرد عليه الحاكم :
طيب ...ياللي عندك سالفة ..معك مهلة 3 أيام ان ما جبت لي فك لغزه .. نزلت راسك عن كتوفك ..!!
خاف الوزير .. وراح ركضة يم السقا ..
ولم لقا السقا كان السقا يباشر عمله المكلف ..
فقال له الوزير :
*وقف شوي أبي أسألك ..
فرفض السقا وقال له:
*ما عندي وقت انا رب أسرة وإذا وقفت وقف شغلي ..
فصار الوزير يتردد على السقا حتى اليوم الثالث ..
والسقا مصّر أنه ما يوقف عشان ما ياقف شغله ..
فلما حس الوزير بالخطر على حياته .. قال له :
*وقف ولك اللي تبي .. بس أسعفني راسي بيقطع الليلة !
فقال السقا :
* بشرط ..
رد الوزير:
*وشوو؟؟
قال له :
*بوزنك ذهب ..
فلما حس الوزير ان الآمر ما يحتمل تاخير وافق على طوووول ..
فسأله الوزير :
وش كنت تقصد بـ
[ أديّن دين .. وأسدد دين .. وأرمي بحر ..!]
قاله له السقا :
الحاكم سألني:
[ثلاث مع ثلاث مع ثلاث .. ما يكفونك عن ثلآث ؟!]
والحاكم قصد ..3 شهور الربيع .. مع 3 شهور الصيف .. مع 3 شهور الخريف .. ما يكفونك عن 3 شهور الشتاء عشان ترتاح ؟!
فقلت له : لا .. لآني
[أدين دين (أصرف على عيالي لجل بكرة يصرفون عليّ )و أسدد دين (أصرف على امي وابوي اللي صرفوا علي وانا صغير)و أرمي بحر (اصرف على زوجتي ) لآنها زي البحر تاكل ما تشبع ]< بيني وبينكم زعلني !:s77-Sm-048:
فقال الوزير : أيييييه !!
طيب وش يقصد بـ ..
* لجاك الخرووف كثيير الصوووف لا تبيع برخيص ..؟!
فقال السقا :
* الخروف كثير الصوف هو أنت !!
فراح الوزير فراحان لآنه أنقذ رقبته من القص يم الحاكم واخبره بفك اللغز .. فقال له الحاكم : كيف عرفت ؟!
فرد الوزير : من السقا ..
قال : مقابل كم ؟؟
قال له : وزني ذهب ..
فقال الحاكم : يتم إعفاءك من الخدمة وتعيين السقا بدالك ..!!!
أتمنى أني اكون وفقت في سرد القصة ..
الإثنين أبريل 16, 2012 2:42 pm من طرف م.ف.د
